પ્રધાનમંત્રી નરેન્દ્ર મોદી શુક્રવારે વિમાન દુર્ઘટનામાં ભોગ બનેલા લોકોના પરિવારજનોને મળવા અમદાવાદ પહોંચ્યા છે. પીએમ મોદી પહેલા વિમાન દુર્ઘટના સ્થળે પહોંચ્યા હતા અને પરિસ્થિતિનો તાગ મેળવ્યો હતો. ત્યારબાદ તેઓ સીધા હોસ્પિટલ ગયા હતા અને ઘાયલોને મળ્યા હતા.
આ અકસ્માતમાં વિશ્વાસ નામનો વ્યક્તિ ચમત્કારિક રીતે બચી ગયો હતો, જેમને પ્રધાનમંત્રી આજે મળ્યા હતા અને તેમની તબિયત પૂછી હતી. મળતી માહિતી મુજબ, તેઓ વિમાનની અંદર સીટ નંબર 11A પર બેઠા હતા.
#WATCH | PM Modi arrives at Ahmedabad Civil Hospital to meet those injured in AI-171 plane crash pic.twitter.com/pgWQ8VayQN
— ANI (@ANI) June 13, 2025
ગુજરાતના ભૂતપૂર્વ મુખ્યમંત્રી વિજય રૂપાણી સહિત 265 લોકોના મોત થયા છે. 12 જૂનના રોજ બપોરે અમદાવાદથી લંડન જઈ રહેલી એર ઈન્ડિયાની ફ્લાઇટ AI171 અકસ્માતનો ભોગ બની હતી. વલ્લભભાઈ પટેલ આંતરરાષ્ટ્રીય એરપોર્ટ પરથી ઉડાન ભર્યાની થોડીવાર પછી જ આ અકસ્માત થયો હતો. આ વિમાનમાં 242 લોકો સવાર હતા, જેમાં 2 પાયલોટ, 10 ક્રૂ મેમ્બર અને 230 મુસાફરોનો સમાવેશ થાય છે. આ અકસ્માત બોઇંગ કંપનીના B-787 ડ્રીમલાઇનર વિમાનમાં થયો હતો.
એવું કહેવામાં આવી રહ્યું છે કે વિમાનમાં લગભગ 230 મુસાફરો હતા, જેમાંથી 169 ભારતીય હતા. 53 બ્રિટિશ નાગરિકો હતા. આ ઉપરાંત, વિમાનમાં એક કેનેડિયન નાગરિક અને સાત પોર્ટુગીઝ નાગરિકો હતા. તેમની સાથે, વિમાનમાં 12 અન્ય લોકો હતા, જેમાં બે પાઇલટ અને 10 ક્રૂ સભ્યોનો સમાવેશ થાય છે.
