ભારત અને પાકિસ્તાન વચ્ચે ચાલી રહેલા તણાવ વચ્ચે, એલોન મસ્કના સોશિયલ મીડિયા પ્લેટફોર્મ X એ ભારતમાં 8,000 X એકાઉન્ટ બ્લોક કરી દીધા છે. હકીકતમાં, સોશિયલ મીડિયા કંપની X એ ભારત સરકાર તરફથી એક્ઝિક્યુટિવ ઓર્ડર મળ્યા પછી ભારતમાં 8,000 થી વધુ એકાઉન્ટ્સની ઍક્સેસને બ્લોક કરવાનું શરૂ કરી દીધું છે, કંપનીની ગ્લોબલ ગવર્નમેન્ટ અફેર્સ ટીમે આ અંગે માહિતી આપી છે. અહેવાલ મુજબ, આદેશમાં જણાવાયું છે કે જો X આ ખાતાઓને બ્લોક નહીં કરે, તો કંપનીને ભારે દંડનો સામનો કરવો પડી શકે છે, અને તેના સ્થાનિક કર્મચારીઓને જેલમાં પણ મોકલી શકાય છે.
આ ખાતાઓમાં આંતરરાષ્ટ્રીય સમાચાર માધ્યમો અને ઘણી જાણીતી હસ્તીઓના ખાતાઓનો સમાવેશ થાય છે. એક્સે જણાવ્યું હતું કે ઘણા કિસ્સાઓમાં, સરકારે સ્પષ્ટ કર્યું નથી કે આ એકાઉન્ટ્સમાંથી કઈ પોસ્ટ્સ ભારતીય કાયદાઓનું ઉલ્લંઘન કરે છે. બ્લોક કરાયેલા ઘણા ખાતાઓ માટે, કોઈ પુરાવા કે કારણ શેર કરવામાં આવ્યા ન હતા.
X has received executive orders from the Indian government requiring X to block over 8,000 accounts in India, subject to potential penalties including significant fines and imprisonment of the company’s local employees. The orders include demands to block access in India to…
— Global Government Affairs (@GlobalAffairs) May 8, 2025
“આદેશોનું પાલન કરવા માટે, અમે ભારતમાં જ આ ખાતાઓને બ્લોક કરી રહ્યા છીએ. અમે હવે આમ કરવાનું શરૂ કરી દીધું છે. પરંતુ અમે સરકારની માંગણીઓ સાથે સહમત નથી,” X એ કહ્યું.
X એ કહ્યું કે તેને મુશ્કેલ પસંદગી કરવી પડી, પરંતુ તેણે ભારતમાં તેના પ્લેટફોર્મને કાર્યરત રાખવાના આદેશોનું પાલન કરવાનું નક્કી કર્યું. કંપનીએ જણાવ્યું હતું કે, “ભારતના લોકો માટે માહિતીની ઍક્સેસ જાળવી રાખવી મહત્વપૂર્ણ છે.”
એલોન મસ્કના આ પ્લેટફોર્મે એમ પણ કહ્યું કે તે આ સરકારી આદેશો વિશે ખુલ્લેઆમ વાત કરવા માંગે છે, પરંતુ કાનૂની નિયમો તેને જનતા સાથે સંપૂર્ણ માહિતી શેર કરવાથી અટકાવે છે. “આ માહિતી શેર કરવામાં નિષ્ફળતા સરકારોને જવાબદાર ઠેરવવાનું મુશ્કેલ બનાવે છે અને અન્યાયી નિર્ણયો લઈ શકે છે,” કંપનીએ જણાવ્યું હતું.
નોંધનીય છે કે આ સમાચાર ભારત અને પાકિસ્તાન વચ્ચે વધતા તણાવ વચ્ચે આવ્યા છે, કારણ કે ગુરુવારે રાત્રે ભારતના ઘણા વિસ્તારોમાં સંપૂર્ણ બ્લેકઆઉટ હતું. પાકિસ્તાન દ્વારા જમ્મુ એરપોર્ટને નિશાન બનાવવાના પ્રયાસ બાદ આ પગલું લેવામાં આવ્યું છે.
