રાષ્ટ્રીય તપાસ એજન્સી (NIA) એ મહારાષ્ટ્રના પુણેમાં IED ના નિર્માણ અને પરીક્ષણ સંબંધિત 2023 ના કેસમાં પ્રતિબંધિત ISIS આતંકવાદી સંગઠનના સ્લીપર મોડ્યુલના બે ફરાર સભ્યોની ધરપકડ કરી છે.
તપાસ એજન્સીએ શનિવારે જણાવ્યું હતું કે, મુંબઈ આંતરરાષ્ટ્રીય એરપોર્ટના ટર્મિનલ 2 પરથી ઇમિગ્રેશન બ્યુરો દ્વારા બે વ્યક્તિઓની ધરપકડ કરવામાં આવી હતી, જેમની ઓળખ અબ્દુલ્લા ફયાઝ શેખ ઉર્ફે ડાયપરવાલા અને તલ્હા ખાન તરીકે થઈ છે. તેઓ ઇન્ડોનેશિયાના જકાર્તાથી ભારત પાછા ફરવાનો પ્રયાસ કરી રહ્યા હતા.
NIA Arrests 2 Absconders in ISIS Pune Sleeper Module Case from Mumbai Airport pic.twitter.com/B6q5iVOcTD
— NIA India (@NIA_India) May 17, 2025
બિનજામીનપાત્ર વોરંટ જારી કરવામાં આવ્યું હતું
બંને આરોપીઓ છેલ્લા બે વર્ષથી ફરાર હતા. બંનેને કસ્ટડીમાં લીધા બાદ, NIA ટીમે તેમની ધરપકડ કરી. NIA ની ખાસ કોર્ટે બંને સામે બિનજામીનપાત્ર વોરંટ પણ જારી કર્યું હતું. NIA એ બંને આરોપીઓ વિશે માહિતી આપનાર માટે 3-3 લાખ રૂપિયાનું ઇનામ પણ જાહેર કર્યું હતું.
